Çак эрнере Республикăра Чăваш наци конгресĕ йĕркеленипе, Чăваш Республикин вĕренÿ министерстви,  культура министерстви пулăшнипе мухтавлă ентешсен Çулталăкне тата Чăваш чĕлхи Кунне халалланă тĕрлĕ мероприяти пулса иртрĕ.

Шупашкар тăрăхěнчи Кӗҫӗн Сěнтěр (Станьяль) ялěнче Чăваш наци конгресěн «Хастар» ҫамрӑксен форумӗ иртрě. 
Ҫамрăксен форумне хамăр республикăри тата регионти хěрсемпе каччăсем хутшăнннă: Пушкăрт Республикинчен, Чěмпěрпе Ěренпур облаçěсенчен, Самар тăрăхěнчен тата Пензăран, Питěртен нумайăн килнě. Çак форума пирĕн район çамрăкĕсем те хутшăнчĕç: Дина Трякова – ЧНК Йĕпреç район вырăнти уйăмĕн пайташĕ, вăлах çамраксен ертÿçи, Хурамал ял тăрахĕнчи София Александрова тата Лев Плотников.