Ку çулăн ултă уйăхĕнче районта 63 мăшăр çемье çавăрнине, 151 ача çуралнине, çав вăхăтрах 268 çын вăхăтсăр çут тĕнчерен уйрăлса кайнине регитстрациленĕ. Пĕлтĕрхи çак тапхăрти кăтартусем çапларах: 62 мăшăр пĕрлешнĕ, 145 ача çуралнă, 212 çын вилнĕ. Пĕр енчен пăхсан, демографи лару-тăрăвĕ ла-йăхланнă пек: çут тĕнчене килнĕ пепкесен йышĕ, иртнĕ çулхипе танлаштарсан, ÿснĕ. Анчах, шел пулин те, çав вăхăтрах пурнăçран уйрăлнисен шучĕ самай нумайланнă. Кварталсем тăрăх уйрăммăн пăхса тухсан, иккĕмĕш виçĕ уйăхлăхра - пĕрремĕшĕнчен - 9 ача ытларах кун çути курнă, çын вилнĕ тĕслĕх те сахалтарах пулнă. Çапла, кăтартусем лайăх енне улшăннине палăртаççĕ. Туйсем вара иккĕмĕш кварталта 36-ран 27 юлнă. Кăçалхи ултă уйăхра ача çуралассине ял админис-трацийĕсем тăрăх тишкерес-тĕк Пучинкере чи ла-йăх ÿкерчĕк пулни курăнать. Çур çулта çак тăрăхра 16 çемье “çĕнĕ кайăкпа” йышланнă. Хурамал, Ирçеçармăс, Пысăк Упакасси ял администрацисен территорийĕсенче 12-шер ача çут тĕнчене килнĕ. 2003 çулта ытларах ывăл ача çуралнă: 77-шĕ - арçын ача, 74-шĕ - хĕрача. Ашшĕ-амăшĕ мĕнле ятсене кăмăллани те кăсăклă. Çĕртме уйăхне илсен, ывăлсене Данил ят хуракансем ытларах пулнă, хĕрачасене Татьяна тата Екатерина ят панă. Ĕлĕкхи ятсем çĕнĕрен анлă сарăлма пуçларĕç.